ak-id nesswa lillah ighkin lkemn irafan
ur awk neHtaja lijart, nra ghar lkhir
wanna ran ak izzenz an ur ikhiyer taman
wanna iran akid issgh ay illi s lmal
ak ur issgh umelmad awn akan akuray
a dagh ismun rebbi diwn aya liHnani
mkad ismun rebbi udi d ughrum ula tament
imerbba-d a lwurd ak-id iks ufus ikhiyern
a tillit gh lbrad ar k issa wallirigh
i rebbamt a tumubil righ ayyi tasit
a kullu nzêr ghilli ur jju nssen ra ten kagh
ad agh ur tfel gh tggûdi ns, ass nnagh nmut
a Chichawn ijjud rebbi f willi ki 'amern
a ger lachjar wadîl ka gha ssanatay
a termagh s Ait hadi, ssugh gh l'in aman
a zêrgh-n laHbab li awk nssen, ssen agh
mra-d is dari labas ra n ssghagh akal
a gh Imintanut ad awk sis nkin rHergh
ad ukan gis nzzenza lHenna d tukayini
i walli ur igin adifgh ula nkka nit
asif iwa Iduiran ad awk nilli têrf nun
igh izuzzwa wass ad nesstâra asif nun
zêrgh-n itbiren li gisn ukan itillin
a han ur zud ur iderk yan a ten khatern
a gh umarg igh nmaggar akhuti ghlferH
gan Imtugga mad isstâra yan ukan
iwa Imtugga ghid agh nit tlla yissan
a tjja lmut i ma gisn ikhyaren mraw
Asrratuagha tenzzamt a tifalatin
a walayni charij ns illa f ugharas
han id bu tûmubil ghin agh awk rzân
a-n ukan zêrn kra zugh ten yurru wayyur
itelk i lbula zud igh t iskhsser ifis
ukan ikchemt lHub isker sisent asif
iwa Idemsiren a kuni an lkelmgh
a wakha iga tamazirt inu lligh nllul
ghayli zêrigh nki gitsent ra tinigh
imurig d ljuda, ghin agh awk llan
a han Ait Busker gan fellasen tisent
lHaj A'rab iHuba lkhir i lemsakin
a kullu amkan n Tizi Umachu ferHen sis
aH a yan ryyad li dars ass nna telkemgh
nluH îzri f lwurd itghacha wul nagh
aida UmuHmud ad angh ukan iwalan
a cherkagh disen tagant ncerk ula asif
aH ay adrar n idraren yiwi kullu tît
ur igi bla sis idu kra gh amas n ssif
a kullu imentaguen a tin itanayi
izêrn awlûz, izêr dagh kullu Taliwin
izêr litchin iHadan isafen gh Imulas
izêrn itbirin gh Igginf sul igh llan ( ?)
a han Irgiten jenb ns agh ukan llan
a Tamarwut nra a gim ssugh kra watay
ukan nfdêrn gh taddart igh t awk nruH
a walayni fjjijen f tili terfn suk
aH Tagwdicht taggugt, mra kunt lkemgh
iggurramen ar ad nzûr, termagh i wasif
s Ida Uzal lHub ns ichcha tasa nagh
lHenna ns as a terbun issan achakuk
a Ida u ziki tuzzûmt nagh agh llan
awalayni illa gis ukan lyakkin
n têlba ula ludu d lektrat n tazalit
mra d is gigh amud n lHenna ar ntasus
a Ida u tanan ad ak nilli f ugharas
a kulu rzêmgh i tujjut gh lmakan nun
wanna iran Agadir luHen fla tît
Ur as neHssad ay-id iks igh ra agh awin
yanuHbib li da nmun gh Tikiwin
Mkkar nebdâ lkelb inu ur t sar ifugh
l'a-a kl bdân yi, dars agh n awk llan
mra d is gigh l'ud akmar ar rkagh
a tujjut ra s tid nfk amr s IHaHan
mra d is gigh lwizen gh talkhwatimn
a zin IHaHan ra dark nilli gh idudân
mra d is gigh cherbil nilli gh lkaghit a zin IHaHan
ra dark nilli gh udâr nk imerbba lmelf a kid issgh ucrray u Suss
ak awin s Umanuz i lmuluk ak lssan
igh asif n Ait Baha a gh tllit a laman
ay asif n Ait Baha kra tin ur ikkin
a bnnaks nkka ghid a trit a tasa nagh
a dunnit nga gisent mya n àla khir
nga zund assbab itkhiyarn gh lmelf
amaf njla gh tmizar ghar lkhater nagh
agh izzin rebbi ghid-an sigh ukan ikeln
issamH agh a laHbab igh nit ukan nmut
a dunnit han ur a gisent itamen yan
ak ukan taka tudit tmlit asen tament
ur ukan gisent iga 'ala khir amr yan
ayan itzalan yazûm ighft i tumu' A
manik ur ra nbdû d lHram
igh ur nmut inayagh-d rbi tagant a ten
ur lkemgh a walayni khelken gitsent ukan ifis
igh a sis ur nsiggil ra siti tllini
a wanna izêrran adîl kullu suteln as
a manik ur an ig a flan ifassen sis
a wanna iftan ar Casa,igh kin lkemn
a mkkar itkerf s uzzal, rat ukan rzîn
aBab Lkbir agh ibbi chwari s ikurani
ula litchin iga gitsen ghar i'arman
ur awk iHtaja a tid iks ussemssar i yan
imma Burgun iga gisn ukan lkhatar
a nit ifk i usbab lflus ich akuray
a wanna iran akm d iks a tament lHur
idu s uglif gh taddart ar tin lkemn
imma tin k a suk iggut ma tin itawin
an ukan gisnt ibbi kra, sigh a trran
atament tin tmazirt a gh illa Laman
Ur a ten tzêrra izan ghan afa timim
a tament fa ntmaggar ifassen d lmus
awakha tga lejdid a flan ur a timim
illa ma ur issiriden fkinas idudân
ula ifis fa itmaggar mya n uchurray
Mkkar ifhem gh lHerb igh yukwi gh umawal
Ullah ar k tut tagat walli ten itawin
illa nit gitsen wadu n willi ten
