giγ adjar n tudert
ur iyi tuqqir
tusi iyi tga iyi γ idammn
n willi ddernin
nsu g issn imik
issrγ γ ul inu takat
riγ ur dari
yaggug ufus amanar
nẓi d ixf inu
tiḍaf ura tnt nqqway
amalu n tudrt ngat
d ifckan n qid
had amarg ur aγ
ujjin iskraf rkemn
mqqar nskr wiyyaḍ
lḥrir aγ ratt lmγ
wanna ur igrḍn
hann tammara tusi t
ur jjun yufi
mad asn ittkkisn fad
nkkin giγ ahiyaḍ
ur salaγ ad allaγ
taḍṣa inu ur tgguz
ur tusi f iẓuṛan..
